بــــــوقالـــة 4

* تكلمي يا الساكتة قلبي بغاك وخاطري رضاك وينعل القلب الي ينساك.

* طلت من الباب و زينها يلالي شافها ذاك الغزال قاللهم جيبوهالي .

* يا لي رايحين لسيدي فرج أ دوني معاكم مشي في خاطركم .

* خارجة من الحمام و خدودها يحمارو و لي يوريلي دارها الله يعمرلو دارو .

* يقطعوني تقطاع الزروندية و الله غير أنت لي نديك يا مومو عينيا .

* رفدت الطاسة و توضيت عطاني ربي ما تمنيت .

* إذا انت بحر انا حوتة فيك و اذا انت جنينة انا وردة فيك .

* لسمر يا لسمر انت كاس و انا نشرب فيك و نات وردة و انا نشم فيك .

* هبطت للواد ولقيت جنية تقري في لولاد قالتلي واش بغيتي قلتلها حبيبي راح و ما ولالي قالتلها روحي حاجتك راهي مقضية .

* حب الملوك بوراقو وهو في بالد وانا مشتاقلو.

* يقطعوني تقطاع ةالحوت و الله ماننساه حتى نموت .

* حب الملوك مخبل في وراقو نحمل الموت وما نحملش فراقو .

* الخمري يا الخمري يا لي عايروني بيك إذا انت ورد و في السطح انا نسقيك وإذا انت خاتم انا نتحكم فيك.

* تمرة يا تمرة يا لي معسلة في كاي انا نتبع فيك و انتي تبعي في كلام الناس.

* غزالة قي الجبل سارحة يسعد من شافها و ساقها العين تبكي و القلب اشتاقها.

* مشيت مشية عصرية و لقيت جن و جنية قالولي واش بغيتي يا لولية قلتلهم بغيت لسمر يتحط ما بين عينيا.

* البير بيري ما يشرب منو غير لي يبغيني و لي يعرف قيمتي هو الي يديني.

* يا لالة نبغيك يا لالة نشريك بربي والمكتوب غير انا لي نديك.

* طلع العاتق ينشر و طلع العازب يفطر تلاقات العين مع العين والقلب تكسر .

* محمد يا محمد يا نور عينيا راني حبيت نعطيك مفتاح هدية بصح راني خايفة من المكتوب يديك عليا .

* بابا يحب الصلاة و يما تحب الدين و انا نحب كحل العينين .

* قعدت عند الواد شفت ثلث بنات الاولى سمرة و الثانية تمرة و الثالثة كوات قلبي بجمرة .

* مشيت و تمنيت وفي القران بكيت و في الصلاة دعيت و لا راد ربي نكون عندوا في البيت .

* وردة في الكاس ما  تذبال ما تنقاس حالف لي نديها و ما علاباليش بالناس .

* أحمد يا أحمد يا لي حسدوني فيك أنت السلطان و انا  العازبة الي تستنى فيك  .