بــــــوقالـــة 3

* شعرها كحل و عينيها شمس نسقيها ليل مع النهار ما نكره ما نمل .

* شعلت النافخ و درت الغلاية و غرضت حبابي يفرحوا معايا .

* توحشتك و الوحش صعيب و راه طال غيابك يا الحبيب في القلب شعلت النار و بلا بيك خلات الدار .

* كاس فوق كاس و إذا تكسر الكاس الحب خلاص.

* تكلمي يا الساكتة قلبي بغاك و خاطري وفاك و ينعل القلب لي ينساك .

* ركبت في الكار و نسيت الكابة رجعت لدار و لقيت الخطابة من الفرحة بكيت و من قلبي تهنيت .

* أنت ليل و أنا نجمة نضويك أنت بحر و أنا موجة نقويك و انت ربيع و أنا زهرة نزهيك و نحلف باليمين غير انت لي نديك .

* نبعثلك سلامي مع السما لزرق و كلامي في القلب يحرق و الله ما ضنيت الحب اللي بيناتنا يتفرق .

* هبطت لقاع الجنان خرجت جنية قالتلي واش بيك يا لبني قلتها حبيبي راح عليا قالتلي أدي معاك موس الهندية و أفصلي بين الكبدة و الرية أيروح وين يروح يولي غير ليك انتيا .

* رحت للحانوت نشري الفلفل و الكمون خرج ليا راجل مذلول قالي روحي يا لبنية حبيبك عليك راه مهبول .

* لو كان بالمال نشريك و لو بالقمر نفديك ولو كان يكتب المكتوب غير أنت لي نديك.

*  فاتو عليا ثلاث حمامات الاولى والثانية زوجات والثالثة دات عقلي و مشات .

* طلعت للسطح فرشت زربية فاتو عليا طيور بريوشهم الذهبية قلتلهم واش حال الدنيا قالولي ليك بشارة الفرح والحياة السعيدة والمهنية .

* يا القاعدة بين العرفين سايسي روحك من عشق الثنين أدي واحد أو روحي .

* نفضت الزربية جاز وحد السيد عليا عطالي برية قبل مانقراها دمعوا عينيا أفرحي يالميما سعدي راه ولى ليا .

* باسم الله بديت و على النبي صليت عام كامل عانيت كمل يا ربي في النية ألي نويت .

* فات على شقتها و سمع ضحكتها من صابني خيط الروح في رقبتها .

*  شجرت الياسمين في طرف الدوار و طرافها الزنجار يما يما محني عشق الجار العين في العين و القلب شاعلا فيه النار .

* عيني في عين الحبيب و لساني حاشم تمنيت ندير الحنة و نزيد الخاتم .

* حب الملوك جاني هدية بالوراقوا و حبيبي وحدوا في بلاد والقلب مشتاقلوا .

* العشرة عشرناها و الطمعة قسمناها والخدعة شكون مولاها .

* قعدت على طرف البحر و حكيتلوا همي و نطق البحر و قالي يفرج ربي و الغايب ربي .

* لبست لباس تلمساني و قلتلوا بلاك تنساني قال و الله ما ما ننساك أنت ديما في بالي .

* يقطعوني تقطاع البصل و الله ماننساك يا لسمر .