بــــــوقالـــة 2

  * الخاتم في صبعها والتبق بين يديها ولا كتب ربي نديها.                                                                                      * زهرة يا زهرة الزهور يبقى العام يدور

نديك يا لوكان في البابور .

 * طلعت لسطح و طلبت من الرب العالي يرجعلي غزالي .

  * الدالية تحت العريش والبحاير تحت النقيش و لي ما عندوش حبيبو ماكان لاه يعيش .

* وردة في البليدة حبيتها يا ناس و جاتني بعيدة.

* ماني وردة نذبل و ماني طين نتكسر راني خاتم في صبع سيد الرجال.

* السمرة يا السمرة كويتيني بحفاك أنت ما تحبيني و انا حالف ما ننساك نطلب من ربي مكتوبي يكون معاك .

* باب حد باب و الحبيب راه غاب نطلب من ربي ينفظ العذاب .

* الحجلة فوق الصور و الحنة في رجليها زينها كي القمر و الصيادين قواو عليها جاها على عود و طار بيها .

* الدار بعيدة على الدار و الخير شكون لي يجيبو شعال يبقى القلب صابر و شكون ينسى حبيبوا .

* بغيت الفضة ما بغيتش النحاس و بغيت ولد غمي ما بغيتش ولد الناس .

* كحلت عينيا حتى  لو دنيا قلت يا يما أجري ليا سعدي ولى ليا راني حابة نستشفى فالعدو كيما ستشفى فيا نحكموا كي الحلفة بين رجليا .

* مشيت وجريت وعييت و على تالي تهنيت .

* كبشي مديتوا و سميدي وجدتو وإذا كتب المكتوب غير أنا لندخل بيتو.

* هبطت الدروج نجري جات الموجة في حجري قاتلي ولي غدوا يفرج ربي .

* قاعدة في الدروج و شعرها مخبل و عيونها ذابلة نتمنى نعيش معاها يا لو كان نعمل الحيلة .

* هو خاتم و أتا وردة عكرية إذا عندو يقدم ليا و إذا معندوش غير يقطع لياس.

* تبسمت الداليا و ضحك العنقود و الشمس قالت نكشف و القمر قال نذوب و كلشي يا لميمة بالمكتوب .

* أرقدي بيدك الغالي وأطلبي العالي ذاك الراجل يولي حلالي .

* كنت قاعدة عند الواد جازو عليا ثلاث شبان الاول بعثوا السلطان و قال أغنيعاو الثاني بعثوا و قال اشريها و الثالث بعثوا الحبيب وقال نحبهاو نموت عليها و غير هي لنديها .

* لسمر يا لسمر يا لي عايروني بيك غذاانت خاتم انا قصة فيك و إذا انت سنسلة انا ويزة فيك نديروا  الذراع في الذراع  و لي غلبلت تديك .

* هبطت الدروج نجري جات الموجة في حجري قالت لي ولي غدوة و يفرج ربي.